-
-
-
-
-
-
-
-
-
-
-
-
-
-
-
Sirabún
-
BIRLIBIRLOQUE
-
ÁBRETE SÉSAMO
-
ABRACADABRA
-
KAZAM
-
-
Ola!
Dixeches a palabra máxica
e fixéchesme aparecer!
GRAZAS!Eu son Next.
Queres coñecer Sirabún?
Acompáñame!Next vivía feliz dentro da súa bóla. Encantáballe pasear e pasaba días e días coñecendo novos lugares e observando de lonxe as persoas que habitan este marabilloso lugar. Non necesitaba nada máis. Estaba nun dos seus paseos matutinos cando, de súpeto, escoitou que o vento murmuraba... Sirabún... Sirabún... Unha forza especial apoderouse del e empezou a xirar, a xirar, a xirar... Cada vez máis rápido. Todo dentro del empezou a sentir ganas de cambiar, de facer e coñecer cousas novas..., así... nunha arroutada mentres xiraba, o seu corpo saltou ao mundo exterior. Next é moi curioso e encántalle comprender todo o que o rodea. Por iso, ten varios roles.
Coñéceme mellor...
Gústame falar do que me pasa e axudar os demais a traballar as súas emocións.
Next axuda a pensar para coñecer e comprender a realidade e a eles mesmos dentro desa realidade. Partindo dos intereses e inquietudes dos pequenos, propón actividades divertidas que contribuirán a formar ideas propias sobre todo o que van descubrindo do mundo e sobre eles mesmos, a expresar ideas emocionais e sentimentos e a compartilos cos demais.
Apoia o traballo participativo e cooperativo que, por medio do diálogo e do debate, promoverá a coherencia entre o que pensan, o que senten e o que fan os nenos, potenciando a súa intelixencia emocional e os valores para a convivencia.
Tamén son un apaixonado do mundo da lóxica, da investigación, da experimentación e do descubrimento asombroso.
Next involucrará de maneira activa os nenos en actividades que ensinan a pensar e a comprender de forma competente. Utilizará o diálogo e o debate para potenciar o pensamento eficaz e proporá rutinas de pensamento, hábitos mentais e a aprendizaxe baseada en problemas para conducir os nenos ao logro dun pensamento lóxico-científico.
Teño talento creativo para a música, a pintura, a escultura, a expresión corporal e a literatura.
Next proporá actividades para desenvolver a imaxinación, a fantasía e os diferentes linguaxes. De maneira que incrementará o interese dos nenos por contidos que conducen a comprender e representar o mundo no que viven, así como a descubrirse a eles mesmos e os demais desenvolvendo estratexias de pensamento e relacións creativas.