Poucos poetas galegos gozaron en vida da difusión e da popularidade que tivo a obra de Celso Emilio Ferreiro (1912-1979) dentro e fóra do país. Aínda que abordou outros temas e rexistros, a súa poesía social, ao servizo do compromiso colectivo e da denuncia da inxustiza, valeulle o recoñecemento dos seus contemporáneos e acompañou as mobilizacións sociais e a conciencia de oposición á ditadura franquista.

O profesor, poeta e narrador Gonzalo Navaza reúne neste volume case medio cento de poemas que retratan en toda a súa esencia a poética ferreiriana.